Mövsümləqarası fasilədə daha bir legioner "Kəpəz"i tərk edəcək. Sport24.az-ın əldə etdiyi məlumata görə, "sarı-göylər"in əsas simalarından biri olan Martins Junior "Sabah"la ortaq məxrəcə gəlib.
Bu yay ölkəmizi Konfrans Liqasında təmsil edəcək "bayquşlar" braziliyalının transferinə görə, "Kəpəz" təzminat ödəyəcək. Məbləğ açıqlanmasa da, 24 yaşlı futbolçunun Masazır klubu ilə 3 illik müqavilə bağlayacağı gözlənilir.
Qeyd edək ki, Martins başa çatan mövsümdə gəncəlilərin heyətində 32 oyuna çıxıb. Rəqib qapılarına 8 dəfə yol tapan braziliyalının aktivində 5 məhsuldar ötürmə də var.