Idman.biz
"Qırmızı şeytanlar"ın keçmiş hücumçusunun az maaşla oynmağa hazır olduğu barədə şayiələrə baxmayaraq, "Mançester Yunayted" bu yay Kriştianu Ronaldunu geri qaytarmaq planında deyil.
İdman.Biz bu barədə TEAMtalk-a istinadən xəbər verir.
Mənbənin məlumatına görə, portuqaliyalı futbolçunun 2022-ci ildə klubdan ayrılmazdan əvvəl verdiyi mübahisəli müsahibə iki tərəf arasında münasibətləri ciddi şəkildə pisləşdirməyib. Buna baxmayaraq, "Qırmızı şeytanlar" 40 yaşlı hücumçunu transfer etməyi düşünmür.
Daha əvvəl media oyunçunun "Əl-Nəsr"in inkişaf strategiyasından narazılığını bildirmişdi.
Ronaldu 2003-2009-cu illərdə və 2021-2022-ci illərdə "Mançester Yunayted"də oynayıb. Bu müddət ərzində hücumçu bütün yarışlarda 346 oyunda meydana çıxıb, 145 qol vurub və 73 məhsuldar ötürmə edib.
