Sport24.az
İngiltərənin "Mançester Siti" və "Çelsi" klubları "Bavarya"nın yarımmüdafiəçisi Aleksandr Pavloviç ilə maraqlanır. Sport24.az xəbər verir ki, bu barədə "Caught Offside" məlumat yayıb.
Mənbənin sözlərinə görə, "Çelsi" yaxın həftələrdə almaniyalı futbolçu üçün "Bavariya" ilə 65 milyon avroluq transfer barədə danışıq aparacaq. "Mançester Siti" isə artıq qeyri-rəsmi əlaqələr qurub. Lakin Pavloviç açıq şəkildə karyerasını Münhen təmsilçisində davam etdirmək istədiyini bildirib.
Qeyd edək ki, 21 yaşlı futbolçu "Bavariya" yetirməsidir. O bu mövsüm klubunun heyətində 32 rəsmi matçda 3 qol vurub və 1 məhsuldar ötürmə ilə yadda qalıb.
