Sport24.az
"Mançester Siti" yeni transferi Matis Deturbeni Fransanın "Monako" klubuna icarəyə verib. Sport24.az xəbər verir ki, "şəhərlilər" futbolçunu "Siti Futbol Qrupu"na daxil olan "Trua" klubundan 25 milyon avro qarşılığında transfer etdikdən sonra dərhal Liqa 1 təmsilçisinə icarəyə göndərib.
Bu barədə insayder Fabrisio Romano "X" sosial media hesabında paylaşım edib.
Tərəflər arasında imzalanan müqaviləyə əsasən, fransalı futbolçu qarşıdakı mövsümü "Monako"da keçirəcək. Razılaşmada bonuslarla yanaşı, icarə müddətinin 2028-ci ilə qədər uzadılması ilə bağlı opsiya da yer alıb.
Bununla yanaşı, müqavilədə "Mançester Siti"nin ehtiyac yaranacağı təqdirdə Matis Deturbeni vaxtından əvvəl geri çağırmasına imkan verən xüsusi bənd də nəzərdə tutulub.
