İsveçin futbol əfsanəsi Zlatan İbrahimoviçin oğlu Maksimilian İbrahimoviç tezliklə klubunu dəyişəcək.
Lent.az xarici mediaya istinadla bildrir ki, jurnalist Fabrisio Romanonun xəbərinə görə, İbrahimoviç mövsümün sonunda almaq hüququ ilə icarə əsasında İtaliyanın "Milan" klubundan Hollandiyanın "Ayaks" klubuna keçəcək.
Maraqlıdır ki, Zlatan karyerası ərzində həm "Milan", həm də "Ayaks" komandalarında oynayıb.
Bu mövsüm 19 yaşlı Maksimilian İbrahimoviç "Milan"ın ikinci komandasında 17 oyun keçirib, beş qol vurub və dörd məhsuldar ötürmə edib. Transfermarkt gənc cinah oyunçusunu 300.000 avro dəyərində qiymətləndirir.