Sport24.az
"Rəqibin gücünə bələdik. Oyundan əvvəl də məşqçilər lazımi tapşırıqları verib. Rəqibi analiz etmişik. Çalışacağıq ki, qələbə qazanaq və xalqımızı sevindirək". Bu sözləri sabah keçiriləcək Albaniya ilə oyundan əvvəl təşkil olunan mətbuat konfransında millinin futbolçusu Mahir Emreli deyib.
Zaqreb "Dinamo"sunun oyunçusu Albaniyanı xoş rəqib adlandırıb: " Oyunun rəsmi və ya yoldaşlıq matçı olmasının heç bir mənası yoxdu. Meydana Azərbaycan bayrağı altında çıxırıq. Albaniya xoş rəqibdi, adları bizə maraqlıdı. Eyni zamanda, özümüzün də hansı formada olmağımızı görəcəyik".
Emreli meydana yüksək motivasiya ilə çıxacağını da vurğulamaqla yanaşı Arif Əsədovun da ünvanına xoş sözlər səsləndirib: "Mövsüm sona çatsa da, oyun üçün acam. Çünki uzun müddət zədə səbəbindən oynamamışam. Motivasiyam başdan aşır. Bu sual Arif müəllimə verilsə daha yaxşı olqrdı. Amma məşqçimiz uşaqların hamısından razı görünürdü.
Hər birimizin Arif müəllimə hörmətimiz hədsizdir. Əlbəttə ki, onun bizə verdiyi motivasiya fərqlidi. Çünki o da bizim birimizdi - azərbaycanlıdır. Qol vursam, Arif müəllimə həsr edəcəm. Ümumiyyətlə isə hücumçunun işi qol vurmaqdır. Hər bir qol hücumçu üçün motivasiyadı".
