Sport24.az
"İstəyim bütün diqqətimi "Qalatasaray"a yönəltməkdir" Sport24.az xəbər verir ki, bunu İstanbul klubunun futbolçusu Lukas Torreyra deyib.
Uruqvaylı oyunçu "sarı-qırmızılı" komandadakı gələcəyinin son zamanlar çox müzakirə mövzusu olduğunu qeyd edib:
"Son vaxtlar gələcəyimlə bağlı çox danışıldı. Mən hər zaman ürəyimdən keçəni demişəm. Təəssüf ki, son dövrdə atamın səhhətində problemlər yarandı və bu səbəbdən komandaya tam köklənə bilmədim. Okan hocama, azarkeşlərimizə və komanda yoldaşlarıma təşəkkür edirəm. İstəyim bütün diqqətimi "Qalatasaray"a yönəltməkdir. Çox vacib bir mərhələdən keçirik. Buradan ayrılacağım zaman bunu mənim öz ağzımdan eşidərsiniz. Mən bir şey demədiyim müddətcə buradayam. Həmişə olduğu kimi, bütün varlığımla meydanda olacağam. Ən önəmlisi "Qalatasaray"dır. Heç bir futbolçu "Qalatasaray"dan üstün deyil".
