Idman.biz
London meri Sadıq Xan "Bavariya"nın və İngiltərə millisinin futbolçusu Harri Keyni "Qızıl top" mükafatına layiq görülməsi münasibətilə təbrik edib.
İdman.Biz xəbər verir ki, mer sosial şəbəkə hesabında futbolçunun uğurunu yüksək qiymətləndirərək onun həm klub, həm də milli komanda səviyyəsindəki çıxışını xatırladıb.
"Londonlu və İngiltərə millisinin kapitanı Harri Keynin "Qızıl top"un sahibi olduğunu görmək sevindiricidir. Ötən mövsüm klubunda və milli komandada vurduğu möhtəşəm 73 qoldan sonra bu, layiqli qiymətdir. Yayda keçirilən dünya çempionatındakı həlledici rolunu, xüsusilə "Asteka" stadionunda Meksikaya vurduğu qələbə qolunu necə unutmaq olar?
İngiltərəli ser Stenli Metyuzun ilk "Qızıl top"u qazanmasından 70 il sonra mükafatlandırma mərasiminin ilk dəfə Londonda keçirilməsi də məntiqli idi.
Keyn təkcə "Tottenhem"in və İngiltərə millisinin əfsanəsi deyil, artıq rəsmən bütün dövrlərin ən böyük futbolçularından biridir", - deyə Xan X sosial şəbəkəsində yazıb.
Xatırladaq ki, "Qızıl top"un təqdimetmə mərasimi oktyabrın 26-da Londonda keçirilib.
