Sport24.az
"Yuventus"un kapitanı Manuel Lokatelli İtaliya milli komandası ilə adi şam yeməyindən sonra tənqid atəşinə tuş gəlib. Sport24.az İtaliya mətbuatına istinadən xəbər verir ki, yarımmüdafiəçi Florensiyadakı restoranların birində şam yeməyi zamanı millidə yoldaşları, o cümlədən "İnter" oyunçuları Bastoni, Dimarko, Barella və Pio Esposito ilə bir masa arxasında əyləşib.
Yemək zamanı çəkilən şəkil qısa vaxtda sosial mediada yayılıb və Turin klubunun azarkeşlərinin kəskin reaksiyasına səbəb olub.
Azarkeşlərin əksəriyyəti, xüsusən də son matçlarda komandalar arasında yaşanan gərginlik fonunda əzəli rəqiblərlə bu cür mehribanlığın düzgün olmadığını vurğulayıb.
Sosial mediada fikirlər iki yerə bölünüb. "Yuventus"un kapitanını qınayanlarla yanaşı, "İnter"in oyunçuları ilə dostluq cinayətdirmi?" yazıb, onu dəstəkləyənlərdə olub.
