Idman.biz
İngiltərə klubu "Liverpul" macar yarımmüdafiəçisi Dominik Soboslai ilə yeni müqavilə üzrə danışıqlara başlayıb.
İdman.Biz xəbər verir ki, klub bir neçə aparıcı klubun marağına səbəb olan 25 yaşlı futbolçunu saxlamaqda maraqlıdır.
Məlumata görə, əsas oyunçusunu itirməmək üçün "Liverpul" ona şərtləri yaxşılaşdırılmış uzunmüddətli müqavilə təklif etmək niyyətindədir. Soboslai klubda qalmağa hazır olduğunu bildirib, lakin yeni müqavilənin hazırkı müqaviləsindən xeyli sərfəli olmalı olduğunu qeyd edib.
Bu mövsüm Soboslai "Liverpul"da 23 oyunda iştirak edib, beş qol vurub və dörd məhsuldar ötürmə edib. Onun klubla hazırkı müqaviləsi 2028-ci ilə qədərdir. Transfermarkt-a görə, onun bazar dəyəri 85 milyon avrodur.
