Idman.biz
İngiltərənin "Liverpul" futbol klubunun müdafiənin sol cinahını gücləndirmək niyyətindədir. Mersisayd təmsilçisinin rəhbərliyi qeyri-sabit çıxışı ilə diqqət çəkən Miloş Kerkeşə rəqabət yaradacaq futbolçu transfer etmək istəyir.
İdman.Biz "El Nacional"a istinadən xəbər verir ki, klubun transfer siyahısına beş futbolçu daxil edilib.
Bunlar İngiltərənin "Nyukasl" klubundan Lyuis Holl, İtaliyanın "İnter" komandasından Federiko Dimarko, İngiltərənin "Brentford" klubundan Malik Diuf, İspaniyanın "Real Madrid" klubundan Alvaro Karreras və Portuqaliyanın "Sportinq" klubundan Maksimiliano Arauxodur.
Mənbənin məlumatına əsasən, adıçəkilən futbolçuların transferi ilə bağlı danışıqlar artıq qış transfer pəncərəsində baş tuta bilər.
"Liverpul" İngiltərə Premyer Liqasının doqquz turundan sonra 15 xalla turnir cədvəlinin beşinci pilləsində qərarlaşıb. Komanda bazar günü doğma meydanda "Arsenal"a 0:1 hesabı ilə məğlub olub.
