Idman.biz
Fransa Liqa 1-in 26-cı turu çərçivəsində "Renn" öz meydanında "Lill" komandasını qəbul edib. Avrokuboklar uğrunda mübarizə aparan iki iddialı kollektivin qarşılaşmasında üstün tərəf qonaqlar olub.
İdman.Biz xəbər verir ki, oyunun ikinci dəqiqəsində qonaq komanda Matias Fernandez-Pardonun qolu ilə hesabı açıb. 47-ci dəqidədə Hakon Haraldsson hesabı 2:0 edib. "Renn" buraxılan qollardan sadəcə birinin əvəzini çıxa bilib. 59-cu dəqiqədə Esteban Lepaul fərqlənib.
Bu nəticədən sonra "Lill" xallarını 44-ə çatdıraraq turnir cədvəlində beşinci pilləyə yüksəlib. "Renn" isə 43 xalla yeddincidir.
22:24
Fransa Liqa 1-in 26-cı turu çərçivəsində keçirilən "Havr" - "Lion" qarşılaşmasında qalib müəyyənləşməyib. "Osean" stadionunda baş tutan matçda qapılara qol vurulmayıb - 0:0.
İdman.Biz xəbər verir ki, oyunun 57-ci dəqiqəsində meydan sahibləri çətin vəziyyətə düşüblər. "Havr"ın müdafiəçisi Stefan Zaqadu birbaşa qırmızı vərəqə alaraq meydandan qovulub. Say üstünlüyü qazanan "Lion" qalan vaxt ərzində rəqib müdafiəsini yara bilməyib və mühüm iki xalı itirib.
Bu heç-heçədən sonra 47 xala malik olan "Lion" turnir cədvəlində dördüncü pillədə qərarlaşıb. 27 xalı olan "Havr" isə 14-cü yerdədir. Çempionata 25 oyundan 57 xalla PSJ liderlik edir.
Qeyd edək ki, növbəti turda "Lion" martın 22-də öz meydanında "Monako"nu qəbul edəcək. "Havr" isə həmin gün səfərdə "Paris"lə qarşılaşacaq.
20:35
Fransa Liqa 1-in 26-cı turu çərçivəsində keçirilən "Strasbur" - "Paris" qarşılaşmasında qalib müəyyənləşməyib. "Stad de la Meno" stadionunda baş tutan matç 0:0 hesablı heç-heçə ilə yekunlaşıb.
İdman.Biz xəbər verir ki, hər iki komandanın cəhdlərinə baxmayaraq, 90 dəqiqə ərzində qapılara yol tapmaq mümkün olmayıb.
Bu nəticə ilə "Strasbur" (37 xal) çempionatda ardıcıl üçüncü heç-heçəsini edərək turnir cədvəlində səkkizinci pillədə qərarlaşıb. Paytaxt təmsilçisi "Paris" (28 xal) isə 13-cü mövqedəki yerini qoruyub.
Qeyd edək ki, bu nəticədən sonra "Strasbur" son beş oyunda cəmi bir qələbə qazansa da, məğlubiyyətsizlik seriyasını dörd matça çatdırıb.
