Idman.biz
Fransa Liqa 1-in 32-ci turu çərçivəsində keçirilən qarşılaşmada Fransanın "Lion" futbol komandası "Renn"i qəbul edib. Gərgin keçən mübarizə meydan sahiblərinin 4:2 hesablı qələbəsi ilə başa çatıb.
İdman.Biz xəbər verir ki, qonaqlar oyuna sürətli qolla başlayaraq artıq altıncı dəqiqədə hesabı açıblar. "Renn"in heyətində Musa Əl-Tamari fərqlənib. 37-ci dəqiqədə "Lion" Roman Yaremçukun dəqiq zərbəsi sayəsində tarazlığı bərpa edib. 42-ci dəqiqədə isə Korentin Tolisso komandasını hesabda önə keçirib. Fasilədən dərhal sonra Esteban Lepol qonaqların cavab qolunu vuraraq hesabı bərabərləşdirib. Lakin meydan sahibləri təzyiqi artıraraq 52-ci dəqiqədə Afonsu Moreyra, 75-ci dəqiqədə isə Endrikin qolları ilə qələbəni təmin ediblər.
Bu nəticədən sonra xallarının sayını 60-a çatdıran "Lion" turnir cədvəlində üçüncü pilləyə yüksəlib. Aktivində 56 xalı olan "Renn" isə beşinci yerdə qərarlaşıb.
21:33
Fransa çempionatının 32-ci turunda "Paris" doğma meydanda "Brest"i sınağa çəkib. Paytaxt klubunun tam üstünlüyü ilə keçib və 4:0 hesabı ilə yekunlaşıb.
İdman.Biz xəbər verir ki, meydan sahibləri 13-cü dəqiqədə Rudi Matondonun qolu ilə önə keçiblər. 20-ci dəqiqədə Villem Jebbels fərqi iki topa çatdırıb. Oyunun 67-ci dəqiqəsində Rudi Matondo özünün ikinci, komandasının isə üçüncü qolunu vuraraq hesabı darmadağın səviyyəsinə çatdırıb. Matçda son nöqtəni 89-cu dəqiqədə Luka Koleoşo qoyub.
Bu qələbə sayəsində 41 xal toplayan "Paris" Liqa 1-in turnir cədvəlində 11-ci pilləyə yüksəlib. 38 xalı olan "Brest" isə 12-ci yerdədir.
Paralel keçən oyunda "Oser" öz meydanında "Anje"ni qəbul edib. Qarşılaşma meydan sahiblərinin 3:1 hesablı qələbəsi ilə başa çatıb.
"Oser" matçın 12-ci dəqiqəsində Seku Maranın qolu ilə hesabı açıb. Fasiləyə qədər başqa qol vurulmasa da, ikinci hissədə meydan sahibləri üstünlüklərini artırıblar. 61-ci dəqiqədə Mara dublunu rəsmiləşdirib, 67-ci dəqiqədə isə Lassin Sinayoko üçüncü topu rəqib qapısından keçirib. "Anje"nin yeganə təsəlli qoluna 77-ci dəqiqədə penaltini dəqiq yerinə yetirən Qoduin Kualipu imza atıb. Qonaqlar Mohamed Amin Sbainin qırmızı vərəqə alması səbəbindən bütün ikinci hissəni on nəfərlə oynayıblar.
Hazırda "Oser" 28 xalla 16-cı, "Anje" isə 34 xalla 13-cü pillədə qərarlaşıb.
Digər oyunda isə "Strasbur" öz meydanında "Tuluza"nı qəbul edib. Qarşılaşma qonaqların 2:1 hesablı qələbəsi ilə başa çatıb.
Matçda hesabı meydan sahibləri açıblar. Oyunun 30-cu dəqiqəsində İsmayıl Dukurun ötürməsindən sonra Samuel Amo-Ameyo fərqlənib. Lakin "Tuluza" fasiləyə qədər tarazlığı bərpa etməyi bacarıb. Kristian Kasserresin assistentliyi ilə Deyann Metal topu rəqib qapısından keçirib.
Qonaqlar qələbə topunu oyunun sonunda vurublar. Matçın 84-cü dəqiqəsində Emersonn Korreyya da Silva komandasına üç xal qazandıran qola imza atıb. Bu epizodda da ötürməni Kristian Kasserres edib.
Bu qələbədən sonra xallarının sayını 41-ə çatdıran "Tuluza" turnir cədvəlində 10-cu pilləyə yüksəlib. Hesabında 46 xalı olan "Strasbur" isə səkkizinci yerdə qərarlaşıb.
19:14
Fransa Liqa 1-in 32-ci turu çərçivəsində "Lill" və "Havr" komandaları üz-üzə gəliblər. Mayın 3-də baş tutan qarşılaşmada qalib müəyyənləşməyib və oyun 1:1 hesablı heç-heçə ilə yekunlaşıb.
İdman.Biz xəbər verir ki, meydan sahibləri matçın 30-cu dəqiqəsində hesabı açıblar. Romen Perronun ötürməsindən sonra Hakon-Arnar Haraldsson topu rəqib qapısından keçirib. Lakin "Havr" məğlubiyyətdən qaçmağı bacarıb. Qonaqların heyətində İssa Sumare fərqlənərək komandasına bir xal qazandırıb. "Lill" qələbə topunu vurmaq üçün cəhd göstərsə də, bu səylər nəticəsiz qalıb.
Bu bərabərlikdən sonra 58 xalı olan "Lill" turnir cədvəlinin üçüncü pilləsində qərarlaşıb. Aktivində 32 xalı olan "Havr" isə 14-cü yerdədir.
