Idman.biz
İdman.Biz xəbər verir ki, London təmsilçisi Liam Rosenyoru komandanın baş məşqçisi kimi təsdiqləyib və imzalanan müqavilə 2032-ci ilin iyun ayına qədər qüvvədə olacaq.
Bu, Rosenyora uzunmüddətli etimad göstərildiyini ortaya qoyur və "Çelsi" rəhbərliyinin onun layihəsinə ciddi güvəndiyini əks etdirir.
13:16
İngiltərənin "Çelsi" klubunun yeni baş məşqçisi Liam Rosenyor təyinatdan sonra emosional açıqlama ilə çıxış edib.
İdman.Biz xəbər verir ki, Rosenyor London klubuna gəlişini karyerasının ən böyük fürsətlərindən biri adlandırıb.
"Çelsi" kimi möhtəşəm bir klubda, dünya çempionu statusuna malik bir komandada baş məşqçi olmaq inanılmaz bir fürsətdir. Evə gedə, uşaqlarımı görə və sonra möhtəşəm bir kluba imza ata bilirəm. Bu imkanı rədd edə bilməzdim", - deyə Rosenyor bildirib.
Mütəxəssis əvvəlki klubu barədə də danışıb və Fransadakı dövrünü xüsusi vurğulayıb.
"Strasburq"dakı bu 18 ay həyatımın ən yaxşı dövrü olub", - deyə o əlavə edib.
12:56
İngiltərənin "Çelsi" klubu yeni baş məşqçisi açıqlanıb.
İdman.Biz xəbər verir ki, bu barədə insayder jurnalist Fabrizio Romano məlumat yayıb.
Onun sözlərinə görə, London təmsilçisinin yeni baş məşqçisi Liam Rosenyor təyin olunub.
Məlumata görə, klub rəhbərliyi gənc və perspektivli mütəxəssislə uzunmüddətli layihə qurmaq niyyətindədir və komandanın yenidən formalaşdırılması məhz onun üzərindən aparılacaq.
Qeyd edək ki, Liam Rosenyor daha əvvəl İngiltərədə bir neçə klubda çalışıb və taktiki çevikliyi, gənc futbolçularla işləmək bacarığı ilə tanınır.
