Idman.biz
İspaniyanın "Barselona" komandasının futbolçusu Lamin Yamalın anası Şeyla Ebana sosial şəbəkədə özü haqqında indiyədək məlum olmayan bir sıra məqamları bölüşüb.
İdman.Biz xəbər verir ki, Ebana "Mənim haqqımda bilmədiyiniz 10 şey" adlı məşhur trendə qoşulub və şəxsi həyatı ilə bağlı maraqlı etiraflar edib.
O bildirib ki, Ekvatorial Qvineyada doğulub və 14 yaşında İspaniyaya köçüb. Ebana görüşlərə tez-tez gecikdiyini, şirindən daha çox duzlu yeməkləri sevdiyini, həm yayda, həm də qışda corabla yatdığını açıqlayıb.
Şeyla sosial şəbəkələrdə göründüyündən daha utancaq olduğunu da etiraf edib. Onun sözlərinə görə, sosial media həyatında yeni bir tərəfini kəşf etməsinə kömək edib. Hazırda onun "Instagram"da təxminən üç milyon izləyicisi var.
Ebana ailəsi ilə vaxt keçirməyi çox sevdiyini, oğlunun demək olar bütün oyunlarını izlədiyini və Lamin Yamalın matçları zamanı hələ də ilk dəfəki kimi həyəcanlandığını bildirib.
O, 19 yaşlı futbolçu barədə zarafatla "19 yaşında körpəm var" ifadəsini işlədib.
