Idman.biz
"Malyorka" İspaniya La Liqasının 31-ci turu çərçivəsində öz meydanında "Rayo Valyekano"nu qəbul edib. Qarşılaşma meydan sahiblərinin 3:0 hesablı parlaq qələbəsi ilə başa çatıb.
İdman.Biz xəbər verir ki, "Malyorka"nın heyətində Vedat Muriçi dubl edib (36-cı və 40-cı dəqiqə). Komandanın digər qoluna isə 65-ci dəqiqədə Yan Virxili imza atıb.
Bu qələbədən sonra xallarının sayını 34-ə çatdıran "Malyorka" turnir cədvəlində 15-ci pillədə qərarlaşıb. Aktivində 35 xal olan "Rayo Valyekano" isə 13-cü yerdədir.
18:44
İspaniya La Liqasının 31-ci turu çərçivəsində "Osasuna" və "Betis" komandaları üz-üzə gəliblər. Qarşılaşma 1:1 hesablı bərabərliklə yekunlaşıb.
İdman.Biz xəbər verir ki, qonaqlar oyunun startında hesabı açıblar. Matçın yeddinci dəqiqəsində "Betis"in vingeri Abde Ezzalzuli fərqlənməyi bacarıb. Meydan sahibləri bu qola 40-cı dəqiqədə cavab veriblər. "Osasuna"nın hücumçusu Ante Budimir penaltini dəqiq yerinə yetirərək tarazlığı bərpa edib.
Hazırda "Betis" turnir cədvəlində 46 xalla beşinci pillədə qərarlaşıb. "Osasuna" isə 39 xalla doqquzuncu sıradadır.
