Idman.biz
İspaniya La Liqasında 22-ci turun oyunu çərçivəsində Bilbao "Atletik"i və "Real Sosyedad" komandaları üz-üzə gəlib. San-Mames Barria stadionunda keçirilən qarşılaşma 1:1 hesablı heç-heçə ilə başa çatıb.
İdman.Biz xəbər verir ki, matçda hesabı 37-ci dəqiqədə "Real Sosyedad"ın hücumçusu Qonsalu Qedeş açıb. Oyunun sonlarına yaxın qonaqlar çətin vəziyyətə düşüblər. 83-cü dəqiqədə yarımmüdafiəçi Brays Mendez birbaşa qırmızı vərəqə alaraq meydandan kənarlaşdırılıb. Say üstünlüyündən istifadə edən "Atletik" 88-ci dəqiqədə İniqo Ruisin qolu ilə hesabı bərabərləşdirib.
Bu nəticədən sonra Bilbao "Atletik"i 22 oyunda 25 xal toplayaraq turnir cədvəlində 11-ci pillədə qərarlaşıb. "Real Sosyedad" isə 28 xalla səkkizinci yerdədir.
Növbəti turda "Real Sosyedad" fevralın 7-də doğma meydanda "Elçe"ni qəbul edəcək. "Atletik" isə bir gün sonra "Levante" ilə qarşılaşacaq.
00:44
İspaniya La Liqasında 22-ci turun oyunu çərçivəsində "Xetafe" doğma meydanda "Selta" ilə heç-heçə edib.
İdman.Biz xəbər verir ki, qarşılaşma 0:0 hesabı ilə başa çatıb. Bu nəticədən sonra "Selta" 33 xalla çempionatın turnir cədvəlində 7-ci pillədə qərarlaşıb. "Xetafe" isə 23 xalla 16-cı yerdədir və bütün turnirlər üzrə qələbəsiz oyunlar seriyasını doqquz matça çatdırıb.
21:51
İdman.Biz xəbər verir ki, İspaniya La Liqasında 22-ci turun oyunu çərçivəsində "Betis" doğma meydanda "Valensiya"ya qalib gəlib.
Sevilya təmsilçisi rəqibini 2:1 hesabı ilə məğlub edib. Qarşılaşmada hesab 20-ci dəqiqədə qonaqların hücumçusu Luis Rioxanın qolu ilə açılıb. Cəmi üç dəqiqə sonra "Betis" penalti zərbəsindən yararlanıb və Çimi Avila tarazlığı bərpa edib. Oyunda son sözü isə 88-ci dəqiqədə Pablo Fornals deyib və meydan sahiblərinə qələbə qazandıran qolu vurub.
Bu nəticədən sonra "Betis" 35 xalla La Liqa turnir cədvəlində beşinci pilləyə yüksəlib. "Valensiya" isə 23 xalla 15-ci yerdə qərarlaşıb.
19:20
İspaniya La Liqasının 22-ci turunda "Real" doğma meydanda "Rayo Valyekano"nu 2:1 hesabı ilə məğlub edib. Qarşılaşma Madriddə, "Santyaqo Bernabeu" stadionunda keçirilib.
İdman.Biz xəbər verir ki, oyunda hesabı 15-ci dəqiqədə "Real"ın vingeri Vinisius Junior açıb. 49-cu dəqiqədə qonaqların yarımmüdafiəçisi Xorxe de Frutos tarazlığı bərpa edib. 80-ci dəqiqədə "Rayo Valyekano"nun futbolçusu Pate Siss birbaşa qırmızı vərəqə alaraq meydandan qovulub.
Oyunun taleyini isə əlavə olunmuş vaxtda təyin olunan penalti həll edib. 90+10-cu dəqiqədə Kilian Mbappe penaltini dəqiq yerinə yetirərək "Real"a qələbə qazandırıb.
22 turdan sonra "Real" 54 xalla turnir cədvəlində ikinci pillədə qərarlaşıb. "Rayo Valyekano" isə 22 xalla 17-ci yerdədir.
Növbəti turda "Rayo Valyekano" fevralın 7-də evdə "Oviedo" ilə qarşılaşacaq, "Real" isə fevralın 8-də səfərdə "Valensiya"nın qonağı olacaq.
