Sport24.az
"Araz-Naxçıvan"ın qapıçısı Kristian Avram Sport24.az saytına müsahibə verib.
- Azərbaycan Premyer Liqasının XX turunda "Neftçi"ni 2:1 hesabı ilə məğlub etdiniz. Oyunla bağlı təəssüratlarınız necədir?
- Bu qarşılaşmada qalib gəldik, üç xal əldə etdik. Bu da bizim üçün sevindirici haldır.
- Nəyin sayəsində qələbə qazandınız?
- Komanda ruhuna görə buna nail olduq. Bizim çox təcrübəli məşqçilər korpusumuz var. Onlar bizi oyuna yaxşı hazırlayıblar, rəqib haqqında lazımı məlumatlar verirlər. Məşqçilər daim oyunçulara dəstək olurlar. Kollektivin sayəsində irəliləyirik. Daha tez-tez qalib gəlməyə çalışacağıq.
- Son 10 dəqiqə komandanız üçün gərgin keçdi. Niyə bu qədər geri çəkilmişdiniz?
- Konsentrasiya sona qədər var idi. Hakim fit verməyibsə, oyun bitməyib. Qalib gəlirsənsə, hesabı saxlamağa çalışırsan. Bu da intelektdən xəbər verir. Məğlub olan rəqib son dəqiqələrdə irəliyə doğru ötürmələr verir, asmalar edir. Biz isə öz növbəmizdə panikaya düşməməyə çalışdıq. Sona qədər dayandıq və qalib gəldik. Komandamızı təbrik edirəm. Vacib üç xal qazandıq.
- Matçdan sonra rəqib komandanın azarkeşləri ilə aranızda nə yaşandı?
- Heç nə. Bir-birimizi alqışladıq, təşəkkür etdik.
- Amma onlar bununla sanki narazı idi...
- Bu da onların haqqıdır. Komandaları uduzmuşdu. Prinsipcə, onlar öz klublarına dəstək oldular. Mən də onlara təşəkkür etdim.
- Amma sənin onlara təşəkkür etməyin onların xoşuna gəlmədi...
- Bu, onların düşüncəsidir. Hamının öz fikri var. Əsas olan insan qalmaqdır. Burada nəsə başqa bir şey yoxdur. Hər şey normaldır.
- "Araz-Naxçıvan" "Neftçi" ilə ilə görüşlərdə 7 xal qazanıb. Bu barədə nə deyə bilərsən?
- Nə demək olar? "Araz-Naxçıvan" hər zaman meydana qələbə üçün çıxırıq. Hansı komandaya oynamağımızın isə fərqi yoxdur. Bizim yaxşı kollektivimiz, böyük ailəmiz var. Vacib olan da odur ki, məğlub olanda birlikdə bu vəziyyətdən çıxaq. Biz də bunu edirik. Vacib olan başınızı dik tutmaqdır.
- Hədəfiniz avrokuboklara vəsiqə qazanmaqdır?
- Hədəfimiz hər oyuna çıxıb, qalib gəlməkdir. Nə olacaq, onu mövsümün sonunda görəcəyik.
