Sport24.az
"Kristal Pelas" hücumçusu Jan-Filip Mateta ilə müqavilənin müddətinin uzadılması barədə razılığa gələ bilmir. Sport24.az xəbər verir ki, bu barədə insayder Nikolo Skira sosial media hesabında paylaşım edib.
2022-ci ilin yanvarından "qartallar"ın heyətində çıxış edən fransız futbolçunun hazırkı müqaviləsi mövsümün sonunda başa çatır. Əgər klub müqaviləni uzada bilməsə, Mateta yanvardan etibarən digər komandalarla danışıqlara başlaya və gələn yay sərbəst agent kimi başqa kluba keçə bilər.
Mənbənin sözlərinə görə, "Mançester Yunayted" 29 yaşlı futbolçunu yaxından izləyir. "qırmızı şeytanlar" onu qış "transfer pəncərəsi"ndə potensial hədəflərdən biri kimi nəzərdən keçirirlər.
Qeyd edək ki, Mateta cari mövsümdə bütün turnirlərdə beş oyuna çıxıb və bir qol vurub. Hücumçu bud əzələsindəki zədə səbəbindən təxminən bir ay yarım meydanlardan kənarda qalıb.
