Idman.biz
İdman.Biz-ə "Kəpəz" klubunun futbolçusu Veysəl Rzayevin iştirakı ilə baş vermiş insidentin bəzi təfərrüatları məlum olub.
Hadisə gecə saat 01:00 radələrində Gəncə şəhərində baş verib. Münaqişə zamanı Veysəl Rzayev sağ böyrəyindən bıçaq xəsarəti alıb.
Mənbənin bildirdiyinə görə, insidentin əsas səbəbi kimi "qız məsələsi" göstərilir. Mənbə bu fikri belə əsaslandırıb: "Gəncədə gecə vaxtı zərərli vərdişləri olmayan, 24 yaşlı gənc başqa hansı səbəbdən bu cür hadisə ilə üzləşə bilər. Sağ böyrəyindən aldığı xəsarət ağır olsa da, onun həyatı üçün təhlükə daşımır".
08:34
Gəncədə futbolçu bıçaqlanıb.
İdman.Biz gencexeber.az-a istinadla xəbər verir ki, hadisə şəhər ərazisində baş verib.
Məlumata görə, 2002-ci il təvəllüdlü Veysəl Rzayev kəsilmiş-deşilmiş yaralarla xəstəxanaya yerləşdirilib. Zərərçəkənə təcili tibbi yardım göstərilib, əməliyyat olunub. Onun vəziyyəti orta-ağır qiymətləndirilir.
Qeyd edək ki, bıçaqlanan şəxs "Kəpəz" futbol klubunun oyunçusudur. O, ötən ay qış transfer pəncərəsi dövründə "Turan Tovuz"dan "Kəpəz"ə transfer olunub.
Faktla bağlı hüquq-mühafizə orqanları tərəfindən araşdırma aparılır. Hadisənin təfərrüatları dəqiqləşdirilir.
Посмотреть эту публикацию в Instagram
