Lent.az
"Mançester Yunayted"in və Braziliya millisinin aparıcı oyunçusu olan Kazemiro tezliklə komandasını dəyişəcək.
Lent.az-ın məlumatına görə, o, çox güman ki, məşhur argentinalı Lionel Messinin lideri olduğu "İnter Mayami"nin formasını geyinəcək.
34 yaşlı yarımmüdafiəçi MLS klubuna keçməyə demək olar ki, razılaşıb; sadəcə müqavilənin bəzi detallarını dəqiqləşdirmək və mətbuata rəsmi açıqlama vermək qalır.
Azad agent olan braziliyalı futbolçu karyerasını okeanın o tayında davam etdirməyi planlaşdırır. Bu məlumat, çox güman ki, Premyer Liqanın son 38-ci turundan sonra, yəni mayın 24-də "Mançester Yunayted"in səfərdə "Brayton"la qarşılaşacağı oyundan sonra əldə ediləcək.
Braziliyalı futbolçu bu ilin yanvar ayında klubdan ayrılacağını açıqlayıb.
