Sport24.az
"Kifayət qədər intensivliyimiz yox idi və çox passiv oyun nümayiş etdirdik". Sport24.az UEFA-nın mətbuat xidmətinə istinadən xəbər verir ki, bunu Danimarkanın baş məşqçisi Kasper Hyulmand Avropa çempionatının qrup mərhələsinin I turunda qarşılaşdıqları Sloveniya ilə oyundan sonra deyib.
Mütəxəssis yaxaladıqları qol imkanların istifadə edə bilmədiklərini vurğulayıb: "Düşünürəm ki, ilk hissəni yaxşı keçirdik, lakin 70-ci dəqiqədən sonra bir qədər enerji itirdik. Yaxşı şanslarımız, əla əks-hücumlarımız olsa da, bunlardan istifadə edə bilmədik. Hər zaman enerji olmalıdır, amma bəzən futbol oyunlarında belə hallar yaşanır".
Qeyd edək ki, Sloveniya - Danimarka matçı 1:1 hesabı ilə başa çatıb.
