Idman.biz
Növbəti mövsüm Azərbaycan Birinci Liqasında mübarizə aparacaq "Karvan-Yevlax" heyətini yeni futbolçu ilə gücləndirib.
İdman.Biz xəbər verir ki, Yevlax təmsilçisi 33 yaşlı qapıçı Orxan Sadıqlını transfer edib.
Son olaraq "Mingəçevir" klubunda forma geyinən futbolçu ilə mövsümün sonunadək müqavilə imzalanıb.
Orxan karyerası ərzində "Xəzər Lənkəran", "Kəpəz", "Sumqayıt" "Zirə" və "Şəmkir" klubların qapısını qoruyub.
Qeyd edək ki, "Karvan-Yevlax" ötən mövsüm Premyer Liqanı sonuncu pillədə başa vuraraq yenidən Azərbaycan Birinci Liqasına enib.
