Sport24.az
"Real"ın baş məşqçisi Karlo Ançelotti 2025-ci ildə keçiriləcək klublararası dünya çempionatında iştirak etməyəcəklərini açıqlayıb. Sport24.az İspaniya mətbuatına istinadən xəbər verir ki, mütəxəssis bu barədə danışarkən deyib:
"FİFA unudur ki, klublar və oyunçular bu turnirdə iştirak etməyəcək. "Real"ın 1 matçı 20 milyon avroya başa gəlir. FİFA isə bu bütün turnir üçün bizə cəmi 20 milyon avro ödəmək istəyir. Bu, çox aşağı məbləğdi. "Real" da digər klublar kimi dəvətdən imtina edəcək".
Qeyd edək ki, 2025-ci ildə klublararası dünya çempionatı ABŞ-da keçiriləcək. Turnir iyunun 15-də başlayacaq və iyulun 13-dək davam edəcək. 2023-cü ildə klublararası dünya çempionatının qalibi finalda Braziliyanın "Fluminense" klubunu 4:0 hesabı ilə məğlub edən "Mançester Siti" olub.
