Sport24.az
"Qarabağ"ın cinah oyunçusu Kamilo Duran UEFA Çempionlar Liqasının əsas mərhələsinin yeddinci turunda Almaniyanın "Ayntraxt Frankfurt" komandasını 3:2 hesabı ilə məğlub etdikdən sonra təəssüratlarını bölüşüb. Sport24.az xəbər verir ki, matçın qəhrəmanlarından biri komandanın çətin rəqiblə qarşılaşdığını başa düşdüyünü, lakin sona qədər mübarizə aparmağa hazır olduğunu qeyd edib.
"Bu qələbəyə çox sevinirəm; güclü rəqibə qarşı oynadıq. Şəxsi mükafata gəldikdə isə, onu almaqdan məmnunam və bu, məni daha çox qol vurmağa motivasiya edir", - deyə Duran bildirib.
Oyunçu həmçinin əvəzetmə anını şərh edərək məşqçilər heyətinin qərarlarına etibar etdiyini vurğulayıb. O, meydanda kimin olmasından asılı olmayaraq, komandanın yekun uğura inanmağa davam etdiyini bildirib.
"Mən potensialımı bilirdim. Nəticə əldə etmək üçün sadəcə çalışmaq lazımdır. Mən bunu burada, "Qarabağ"da edirəm", - deyə yarımmüdafiəçi əlavə edib.
Xatırladaq ki, Kamilo Duran oyunda iki qol vurub və matçın oyunçusu seçilib.
