Idman.biz
Joze Mourinyo yaxın saatlarda Çempionlar Liqasının Liqa mərhələsinin 1-ci turunda "Qarabağ"a (2:3) məğlub olan "Benfika" ilə müqavilə imzalayacaq.
İdman.biz "A Bola"ya istinadən xəbər verir ki, razılaşmaya görə, Mourinyo komandanı 2026/27 mövsümünün sonuna qədər çalışdıracaq.
Hazırda tərəflər müqavilənin maliyyə şərtlərini müzakirə edirlər. Bildirilir ki, Mourinyo və onun məşqçi heyətinin maaşı ilə bağlı danışıqlara "Fənərbaxça" ilə müqavilənin ləğv şərtləri təsir göstərəcək.
Mourinyonun şənbə günü Portuqaliya çempionatında keçiriləcək "ABC" ilə oyunda "Benfika"ya rəhbərlik edəcəyi ehtimal edilir.
Qeyd edək ki, 62 yaşlı mütəxəssis Lissabon klubunda işləmək üçün məzuniyyətini vaxtından əvvəl başa vurub. Əslində isə o, yalnız qarşıdakı həftəsonu Portuqaliyaya qayıtmağı planlaşdırırdı.
İdman.biz
