Idman.biz
"Torino" İtaliya A Seriyasının 18-ci turunda səfərdə "Verona"nı 3:0 hesabı ilə məğlub edib.
İdman.Biz xəbər verir ki, qonaqların heyətində qolları Covanni Simeone, Çezare Kazadei və Alyu Nji vurublar.
Bu qələbə sayəsində "Torino" 23 xalla 2025/26 mövsümü İtaliya çempionatının turnir cədvəlində 11-ci yerə yüksəlib. "Verona" isə 12 xalla 18-ci pillədədir.
Növbəti turda "Torino" yanvarın 7-də öz meydanında "Udineze"ni qəbul edəcək, "Verona" isə həmin gün səfərdə "Napoli" ilə qarşılaşacaq.
21:05
"Fiorentina" A Seriyasının 18-ci turunun ev matçında "Kremoneze"ni 1:0 hesabı ilə məğlub edib.
İdman.Biz xəbər verir ki, görüşdə yeganə qolu 90+2-ci dəqiqədə meydan sahiblərinin hücumçusu Moyze Kin vurub.
"Fiorentina" İtaliya çempionatının turnir cədvəlində 12 xalla 19-cu yerə yüksəlib. Bu qələbə 2025/26 mövsümündə komanda üçün A Seriyasında ikinci olub. "Kremoneze" isə 21 xalla 12-ci pillədə qərarlaşıb.
Növbəti turda "Fiorentina" yanvarın 7-də səfərdə "Latsio" ilə qarşılaşacaq, "Kremoneze" isə yanvarın 8-də öz meydanında "Kalyari"ni qəbul edəcək.
17:59
İtaliyanın "Napoli" klubu A Seriyasının 18-ci turunda səfərdə "Latsio" üzərində inamlı qələbə qazanıb.
İdman.Biz xəbər verir ki, Roma şəhərindəki "Olimpiko" stadionunda keçirilən qarşılaşma Neapol təmsilçisinin 2:0 hesablı qələbəsi ilə başa çatıb.
Hesab oyunun 13-cü dəqiqəsində qonaqların müdafiəçisi Leonardo Spinatsolanın qolu ilə açılıb. 32-ci dəqiqədə isə Amir Rrahmani fərqi iki topa çatdırıb.
Matçın gedişində sərt mübarizə və qırmızı vərəqələr də olub. 81-ci dəqiqədə "Latsio"nun hücumçusu Teyanni Noslin birbaşa qırmızı vərəqə alıb. 88-ci dəqiqədə isə Roma klubunun müdafiəçisi Adam Maruşiç və "Napoli"nin futbolçusu Paskuale Matsokki meydandan qovulub.
Bu nəticədən sonra "Latsio" 18 turdan sonra 24 xalla turnir cədvəlinin doqquzuncu pilləsində qərarlaşıb. 17 oyunda 37 xal toplayan "Napoli" isə ikinci pilləyə yüksəlib. Çempionata 17 oyundan sonra 38 xalı olan "Milan" liderlik edir.
