Sport24.az
"Beşiktaş" müdafiə xəttini yeni oyunçu ilə gücləndirib. Sport24.az xəbər verir ki, İstanbul təmsilçisi "Atletiko" ilə müqaviləsi başa çatan Qabriel Paulistanın keçidini həll edib. Bu barədə yerli mətbuat məlumat yayıb.
İstanbul təmsilçisi 33 yaşlı mərkəz müdafiəçisi ilə bütün şərtləri razılaşdırıb. Braziliyalı futbolçu bu həftə Türkiyəyə yollanaraq rəsmi müqaviləyə imza atacaq.
Qeyd edək ki, Paulista bu ilin yanvarında "Atletiko"ya keçmişdi. Təcrübəli arxa xətt oyunçusu Madrid təmsilçisinin heyətində 5 rəsmi matçda meydana çıxıb.
