Sport24.az
Bu gün keçiriləcək 3 oyunla Misli Premyer Liqasında 26-cı tura yekun vurulacaq. Sport24.az xəbər verir ki. qarşılaşmalardan biri bölgədə, ikisi isə paytaxtda keçiriləcək.
Günün ilk matçı Qubada baş tutacaq. "İmişli" "Turan Tovuz"u qəbul edir. Hazırda aktivində 48 xal olan Tovuz təmsilçisi avrokuboklara vəsiqə uğrunda mübarizə aparır. Bu üzdən Kurban Berdıyevin komandası Quba səfərindən də 3 xalla qayıtmağa çalışacaq. "Boz qurdlar" qələbə qazanacağı təqdirdə hədəfə bir qədər də yaxınlaşmış olacaq. Nominal meydan sahibləri isə 22 xalla 9-cu pillədədir. "Pələnglər"i təhlükəli zonadan cəmi 3 xal ayırır.
Qeyd edək ki, bu oyunun start fiti saat 15:00-da səslənəcək.
Misli Premyer Liqası
III dövrə, XXVI tur
15:00. "İmişli" - "Turan Tovuz"
Hakimlər: Rəvan Həmzəzadə, Cəmil Quliyev, Şirmamed Mamedov, İslam Məmmədov
VAR: Nicat İsmayıllı
AVAR: Müslüm Əliyev
Hakim-inspektor: Orxan Məmmədov
AFFA nümayəndəsi: Rüfət Əmirov
Quba. Olimpia İdman Kompleksinin stadionu.
