Sport24.az
"Futbolçularımızın çoxu ilə sözləşməmiz mayda bitir. Ancaq onların əksəriyyətini komandada saxlamaq istəyirik. Baş məşqçimizə gəlincə, onunla yola davam edib-etməyəcəyimiz sual altındadı. Əsgər Abdullayev komandanı MOİK ilə oyuna çıxaracaq. Onun gələcək taleyinə isə mövsüm başa çatandan sonra aydınlıq gələcək. Təcrübəli mütəxəssislə söhbətimiz olacaq". Bu sözləri Sport24.az-a açıqlamasında "İmişli"nin icraçı direktoru Aqşin Mürsəlov deyib.
Bu yerdə qeyd edək ki, son günlər kluarlarda "İmişli" rəhbərliyinin Əsgər Abdullayevin işindən narazı qaldığı, mövsümlərarası fasilədə baş məşqçinin yola salınacağı ilə bağlı xəbərlər yayılıb.
Bölgə təmsilçisinin rəsmisi Heydər Əliyev adına İmişli şəhər stadionun ot örtüyünün yenilənməsi məsələsinə də aydınlıq gətirib: "Baza, infrastukturu yeniləmək üçün 2 planımız var idi. Əsas variantımız elitaya çıxmağımıza bağlı idi. Bu baş versəydi, arenada əsaslı yenidənqurma edəcəkdik. Hazırda B planına uyğun olaraq, işlər aparacağıq. Belə ki, növbəti mövsümdə də I Liqada qalırıq deyə, bəlli büdcəmiz var. Ona görə də mövsüm bitəndən sonra ancaq qazonun durumu ilə məşğul olacağıq".
ABDULLA İSMAYILOĞLU
