Sport24.az
"Qarabağ" klubunun "İmarət Azarkeş Qrupu" Misli Premyer Liqasının XXI turunda "Neftçi" ilə oyunun təxirə salınmamasına münasibət bildirib. Sport24.az xəbər verir ki, bu barədə fanat qrupunun səhifəsi məlumat yayıb:
"Qayıdış" klubu bizim oyunu təxirə salmaq təklifimizə "yox" deməyini ölkə çempionatında öz mövqeyini gücləndirməklə əlaqələndirib.
Təbii ki, bu qeyri-səmimilikdir. "Neftçi" hazırda 7-ci yerdədir və böyük ehtimal ilk dördlüyə də düşə bilməyəcək.
Eyni zamanda aramızda baş tutan son illərin qarşılaşmalarında "Qayıdış"ın aşkar məğlub olması faktı onların xal ümidlərinin olmadığının, ancaq bacardıqları qədər "Qarabağ"ımızın uğurlarına mane olmağa çalışmaq istəmələrinin göstəricisidir.
Klub kimi rəqib saymadığımız, çempionluq matçı günü bilet qiymətini 50 manata qaldırmaqla azarkeşsiz oyun keçirilməsinə nail olmaq istəyən cılız təfəkkürlü futbol klubuna meydana çıxmadan rəqabətdə uduzduqlarını xatırlatmaqdan bir daha məmnun olduğumuzu dilə gətiririk.
Forma rənglərinin də "Nyukasl"la eyni olması məşq prosesimizi daha effektiv edəcəyi üçün ancaq öz təşəkkürümüzü bildirə bilərik".
Qeyd edək ki, "Qarabağ" UEFA Çempionlar Liqasının pley-off mərhələsində ilk oyununu fevralın 18-də Bakı "Nyukasl"a qarşı keçirəcək. Ağdamlılar fevralın 21-də "Neftçi" ilə, 24-də İngiltərədə "Nyukasl"la üz-üzə gələcək.
