"Qarabağ" ilə oyunda ilk hissədə komanda olaraq kompakt oynadıq. Bir-birimizi yaxşı sığortalayırdıq". Bu sözləri Sport24.az saytına açıqlamasında "Kəpəz"in kapitanı İlkin Qırtımov bildirib.
"Sarı-göylər"in üzvü Premyer Liqanın X turunda "Qarabağ"a məğlubiyyət (0:5) haqda bunları deyib:
" Oyunun ikinci hissəsində boşluqlar verdik və bu imkanları "Qarabağ" dəyərləndirdi. Qol şanslarımız oldu, təəssüf ki, yararlana bilmədik".
Qırtımov "Kəpəz"in Premyer Liqada qalmaq şanslarını dəyərləndirib:
"Komandamızın liqada qalması üçün əlimizdən gələni edəcəyik. Gəncəli azarkeşlər ən yaxşısına layiqdir. "Kəpəz" daima Premyer Liqada çıxış etməlidir. Növbəti tur Qərb derbisində "Turan Tovuz"la qarşılaşacayıq. Oyuna yaxşı tərəfdən hazırlaşıb, qələbə qazanmaq istəyirik".