Sport24.az
"Dünən iclasımız oldu. Bir çox məsələlər aydınlıq gətirdik. Baş məşqçimiz Nadir Əliyevlə yollarımızı ayırdıq. Bir çox mütəxəssialərlə danışıqlar aparsaq da, sonda İbrahim Uzuncayla razılığa gəldik". Bu sözləri Sport24.az-a açıqlamasında "Füzuli"nin icraçı direktoru Vasif İsmayılov deyib.
Vasif bəy niyə məhz türkiyəli məşqçiyə güvənmələrinə də aydınlıq gətirib: "İbrahim Uzunca savadlı, təcrübəli mütəxəssisdi. Vaxtilə Azərbaycanın başqa klublarında da çalışıb. Ölkə futboluna yaxından bələddi, Pro kateqoriyalə məşqçidi. Onunla 3 illik müqavilə imzaladıq".
İcraçı direktor gələcək planlardan da söhbət açıb: "Hələlik müqavilələri bitən futbolçuları yola salmaqla məşğuluq. Eyni zamanda köhnə heyətdən bizə lazım olacaq oyunçularla danışıqlar aparırıq. Mövsümlərarası fasilədə düşərgəyə yeniləri də qoşulacaq. Təbii ki, bu məsələdə əsas söz sahibi baş məşqçidi. Dəyişikliklər etməklə daha da iddialı komanda olmağı planlaşdırırıq".
ABDULLA İSMAYILOĞLU
