Sport24.az
AFFA İntizam Komitəsinin iclası keçirilib. Sport24.az xəbər verir ki, toplantıda II Liqanın XXII turun oyunları ilə bağlı aşağıdakı qərarlar qəbul edilib:
"Dinamo" – "Sheki City" oyununun 90+3-cü dəqiqəsində "Dinamo" klubunun 19 nömrəli futbolçusu Əlibala Ağayev rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalansın, "Dinamo" klubu 100 manat cərimə edilsin (maddə 41);
"Şahdağ Qusar" – "Ağdaş" oyununun matçöncəsi iclasında "Ağdaş" klubunun nümayəndəsi iştirak etmədiyinə görə "Ağdaş" klubu 80 manat cərimə edilsin (maddə 73.1);
"Şahdağ Qusar" – "Ağdaş" oyunu bitdikdən sonra "Ağdaş" klubunun cəzalı baş məşqçisi Ruslan Hüseynov hakimləri təhqir etdiyinə görə cəzasının üzərinə 5 oyun əlavə edilsin (maddə 43.4);
"Şimal" – "Şəmkir" oyununda "Şəmkir" klubunun 6 futbolçusu sarı vərəqə aldığına görə "Şəmkir" klubu 70 manat cərimə edilsin (maddə 37);
"Şimal" – "Şəmkir" oyunu bitdikdən sonra "Şəmkir" klubunun 44 nömrəli futbolçusu Elşad Mirzəyev hakimin qərarına etiraza görə birbaşa qırmızı vərəqə aldığı üçün 2 oyun cəzalansın, "Şəmkir" klubu 80 manat cərimə edilsin (maddə 42.1);
"Şimal" – "Şəmkir" oyunu bitdikdən sonra "Şəmkir" klubunun üzvləri tərəfindən paltardəyişmə otağının qapısı sındırıldığı üçün stadiona dəymiş zərər "Şəmkir" klubu tərəfindən ödənilsin (maddə 54).
