Idman.biz
"İmişli"nin futbolçusu İbrahim Əliyevin taleyinə aydınlıq gəlib.
İdman.Biz fanat.az-a istinadən xəbər verir ki, hücumameyilli yarımmüdafiəçi və mərkəz hücumçusu mövqelərində çıxış edən 26 yaşlı forvard yaxın günlərdə Birinci Liqanın lideri "Şəfa"ya transfer olunacaq.
Məsələ ilə bağlı Aran klubu hələ rəsmi açıqlama verməyib.
Qeyd edək ki, futbolçunun "İmişli" ilə müqaviləsi 2026-cı ilin yayına qədər nəzərdə tutulub. Cari mövsümdə Premyer Liqada doqquz oyunda cəmi 89 dəqiqə şans qazanan İbrahim Əliyev məhsuldar göstəricilərlə yadda qalmayıb. Bununla belə, Bizon Azərbaycan Kubokunda iki qarşılaşmada iştirak edən futbolçu bir qola imza atıb.
