Idman.biz
İngiltərə millisinin hücumçusu və kapitanı Harri Keyn milli komandada keçirdiyi oyunların sayına görə əfsanəvi qapıçı Piter Şiltonun rekordunu təkrarlayıb.
İdman.Biz xəbər verir ki, Millətlər Liqasının A Liqasının üçüncü qrupunun dördüncü turunda Çexiya ilə qarşılaşma 33 yaşlı forvard üçün milli formasında 125-ci oyun olub.
İngiltərə bu görüşdə 3:0 hesabı ilə qalib gəlib. Keyn isə dubl edib. Bununla da İngiltərə millisinin tarixində ən yaxşı bombardirin hesabında 91 qol olub.
Keyn vurduğu qollar sayəsində milli komandalar tarixinin ən məhsuldar futbolçuları siyahısında malayziyalı Moxtar Dahərini (89 qol) geridə qoyub.
Hazırda beynəlxalq bombardirlər siyahısında Keyndən öndə cəmi altı futbolçu yer alır: Kristianu Ronaldu (Portuqaliya, 146 qol), Lionel Messi (Argentina, 125), Əli Daei (İran, 108), Sunil Çhetri (Hindistan, 95), Romelu Lukaku (Belçika, 94) və Robert Levandovski (Polşa, 92).
