Sport24.az
"Yuventus" və Portuqaliya millisinin cinah oyunçusu Fransişku Konseysau UEFA-nın Nəzarət, Etika və İntizam Orqanı tərəfindən üç oyunluq cəzalandırılıb. Sport24.az "A Bola" nəşrinə istinadən xəbər verir ki, bu cəza futbolçunun UEFA Millətlər Liqasının qrup mərhələsinin dördüncü turunda Norveçlə (2:1) oyunda meydandan qovulmasından sonra tətbiq edilib.
Konseysau, hakimə etiraz etdiyinə görə ardıcıl iki sarı vərəqə alaraq 86-cı dəqiqədə meydandan qovulub. İntizam qərarında qeyd olunur ki, meydandan qovulduqdan sonra o, baş hakimə qarşı təhqiramiz ifadələr işlədib.
Paltardəyişmə otağına gedərkən isə Konseysau dördüncü hakimlə mübahisə edib.
Qeyd edək ki, futbolçu qrup mərhələsinin son iki oyununu – noyabrın 14-də Danimarkaya və noyabrın 17-də Uelsə qarşı qarşılaşmaları buraxacaq. Portuqaliya artıq dörddəbir finala vəsiqəni təmin etdiyi üçün, o, gələn ilin martında planlaşdırılan bu mərhələnin ilk oyununda da iştirak edə bilməyəcək.
