Sport24.az
"Real"ın müdafiəçisi Viktor Valdepenas "Fiorentina"ya keçib. Sport24.az xəbər verir ki, bu barədə İtaliya klubunun rəsmi saytı məlumat yayıb.
İtalyanların 19 yaşlı futbolçu üçün 7,5 milyon avro ödəyəcəyi bildirilir. "Real" oyunçunun gələcək satışından 50 faiz pay sahibi olmaqla yanaşı, müdafiəçini geri almaq seçimini də saxlayıb. Viktorla yeni klubu ilə 2031-ci ilə qədər müqavilə imzalayacaq.
Frankfurt "Aynraxt"ı və "Milan" da İspaniyanın gənclər millisinin üzvünü yaxından izləyirdi.
Qeyd edək ki, Valdepenas İspaniya çempionatının üçüncü divizionunda çıxış edən "Real Kastilya"da oynayıb. Mərkəz müdafiəçisi ötən mövsüm Madridin gənclər komandasında bütün turnirlərdə 36 oyun keçirib, 3 qol vurub və 1 məhsuldar ötürmə edib. O, həmçinin La Liqada bir oyun keçirib. "Real"ın U-19 komandasının heyətində isə UEFA Gənclər Liqasının qalibi olub.
