Sport24.az
Argentina və İspaniya arasında keçirilməli olan Finalissima ümumiyyətlə baş tutmaya bilər. Sport24.az xəbər verir ki, bu barədə "El Chiringuito" məlumat yayıb.
Daha əvvəl Argentina və İspaniya arasında matçın "Santyaqo Bernabeu"da keçirilə biləcəyi barədə məlumatlar yayılmışdı. Oyun martın 27-də Dohada keçirilməli idi, lakin Yaxın Şərqdəki vəziyyətə görə təxirə salındı. Daha sonra Argentinanın Madriddə oynamaqdan imtina etdiyi açıqlandı.
"TyC Sports"un jurnalisti Qaston Eduluna görə, Argentina Futbol Assosiasiyasının (AFA) Finalissima ilə bağlı son əks təklifi matçın martın 31-də neytral məkanda keçirilməsidir, əks halda oyun olmayacaq.
ESPN jurnalisti Esteban Edulu yazır ki, Argentina matçın 31 martda Romadakı Olimpiya Stadionunda keçirilməsini təklif edib. Başqa seçim qalmayıb.
Argentinalı jurnalist Hernan Kastilloya görə, oyunun "Santyaqo Bernabeu"da keçirilməsi cəhdləri UEFA-nın təşkilatın prezidenti Aleksander Çeferin və "Real"ın prezidenti Florentino Peres arasındakı fikir ayrılıqlarını həll etmək üçün etdiyi bir jestdir.
