İdman.biz
"Azərbaycan Minifutbol Federasiyası 7 ildir dayanmadan səylə çalışır. Bunun uğurlu nəticəsi olaraq biz bu turniri Azərbaycana həvalə etdik".
İdman.biz xəbər verir ki, bunu Dünya Minifutbol Federasiyasının prezidenti Filip Juda deyib.
O bildirib ki, mundialın Bakıda keçiriləcəyindən çox məmnundurlar: "Bizim Azərbaycana və sizin insanlara çox böyük rəğbətimiz var. İnanırıq ki, bu minifutbol üzrə dünya çempionatından sonra Azərbaycan qazanan tərəf olacaq. Digər ölkələrə də öz təcrübəsindən verəcək və bu idman növü bir qədər də böyüyəcək, təbliğatı geniş vüsat alacaq".
Qeyd edək ki, dünya çempionatı Milli Gimnastika Arenasında keçiriləcək.
Emin Ağa
İdman.biz
