Sport24.az
FIFA "Kəpəz" klubu ilə bağlı qərar qəbul edib. Sport24.az xəbər verir ki, qurumun İntizam Komitəsinin 27 may 2026-cı il tarixli qərarı Gəncə təmsilçisinin "FIFA Clearing House" sistemində ilk uyğunluq yoxlamasının uğursuz nəticələnməsi ilə bağlıdır.
Qərarda "Kəpəz"ə aid 4 ödəniş tapşırığı göstərilib. Bu orderlər üzrə "training rewards" məbləği ümumilikdə 152 min 965 avrodur. Söhbət futbolçuların hazırlanmasında iştirak edən klublara çatmalı olan ödənişlərdən gedir.
FIFA ilk uyğunluq yoxlamasının uğursuz nəticələnməsinə görə həmin ödəniş tapşırıqlarının hər birinə 2,5 faiz həcmində əlavə ödəniş tətbiq edib. Dörd order üzrə bu əlavə məbləğ ümumilikdə təxminən 3 824 avro təşkil edir.
Sənəddə orderlər belə göstərilib:
157845 – 55 075 avro
140933 – 70 807,32 avro
140934 – 14 672,13 avro
140935 – 12 410,96 avro.
Qeyd edək ki, FIFA-nın açıqladığı qərarda bu ödənişlərin konkret hansı futbolçularla bağlı olduğu və uyğunluq yoxlamasının niyə uğursuz nəticələndiyi göstərilməyib. Qərara əsasən, 2,5 faizlik əlavə ödənişlər də müvafiq hazırlıq klublarına "FIFA Clearing House" vasitəsilə ödənilir.
