Idman.biz
"Fənərbağça"nın baş məşqçisi İsmail Kartalın İstanbul klubundakı gələcəyi ilə bağlı yeni məlumat yayılıb. Türkiyəli mütəxəssislə əməkdaşlığa son qoyulduğu iddia edilir.
İdman.Biz xəbər verir ki, bu barədə türkiyəli jurnalist Yağız Sabuncuoğlu məlumat yayıb.
İnsayderin sözlərinə görə, "Fənərbaxça" rəhbərliyi Kartalla yolları ayırmaq qərarına gəlib. Baş məşqçinin müqaviləsinə xitam verildiyi bildirilir.
Məlumata əsasən, İstanbul təmsilçisinin Türkiyə Super Liqasının 10-cu turunda "Göztəpə" ilə keçirəcəyi qarşılaşmada komandanın sükanı arxasında Dirk Kuyt ola bilər.
İsmail Kartal cari mövsümün əvvəlindən "Fənərbaxça"ya rəhbərlik edir. Klub hələlik onun vəzifəsindən ayrılması barədə rəsmi açıqlama yaymayıb.
Qeyd edək ki, "Fənərbağça" son oyununda Türkiyə Super Liqası çərçivəsində "Qalatasaray"a 1:2 hesabı ilə məğlub olub.
