Idman.biz
İspaniya La Liqasında da 7-ci turun bir görüşü keçirilib.
İdman.biz bildirir ki, "Jirona" öz meydançasında "Espanyol"la qarşılaşıb. Görüş qolsuz bərabərliklə qurtarıb.
Meydan sahibləri topa daha çox sahib olsalar da, qonaqlar qapı qarşısında daha fəal olublar. Buna baxmayaraq, oyunda təhlükəli məqamlar az olub. İlk hissənin ortalarında Dolan hesabı açmaq şansı qazanıb, lakin "Jirona"nın qapıçısı Qassaniqa buna imkan verməyib. İkinci hissədə Qassaniqa Vladislav Vanata da qol vurmaqda mane olub.
"Espanyol" hazırda 12 xalla La Liqada 4-cü yerdədir. 3 xal toplamış "Jirona" turnir cədvəlində 19-cudur.
