Qol.az
"Bavariya"nın futbolçusu Erik Dayerin gələcəyi müəyyənləşib.
QOL.az xəbər verir ki, bu barədə insayder Fabritsio Romano məlumat yayıb.
31 yaşlı mərkəz müdafiəçisi cari mövsümün sonunda "Monako"ya keçəcək. Onunla 2+1 illik müqavilə imzalanacaq.
Dayerin Münhen klubu ilə hazırkı müqaviləsi 2026-cı ilin yayına qədərdir.
Qeyd edək ki, Dayer ötən ilin iyunundan "Bavariya"nın formasını geyinir. Bu mövsüm o, bütün turnirlərdə 25 oyun keçirib, 2 qol vurub və 1 məhsuldar ötürmə verib.
