Idman.biz
"Bizim üçün ağır gecə idi".
İdman.Biz bildirir ki, bunu Londonun "Çelsi" klubunun baş məşqçisi Entso Mareska "Qarabağ"a qarşı keçirdikləri UEFA Çempionlar Liqasının əsas mərhələsinin IV turunun oyunundan sonrakı mətbuat konfransında deyib.
Qeyd edək ki, "Qarabağ" – "Çelsi" oyunu 2:2 hesablı bərabərliklə yekunlaşıb.
"Heyətimizdə zədəli oyunçular var idi. Meydandakı düzülüşü düzgün etməyə çalışdıq. Qarşılaşmaya yaxşı başladıq, hətta qol da vurduq. Təəssüf ki, daha sonra qapımızda iki qol gördük. İkinci hissədə müəyyən dəyişikliklər etdik. Komandamız 3 gündən bir oyun keçirir. Bizim üçün ağır gecə idi. Doğrusunu söyləmək lazımdırsa, pis qollar buraxdıq", - Mareska bildirib.
O, Ağdam təmsilçisinin meydanda özünü yaxşı tərəfdən göstərdiyini vurğulayıb:
"Qarabağ"ın yaxşı komanda olduğunu daha əvvəldən demişdim. Onlara qarşı çıxış etmək bizim üçün ağır idi. Çempionlar Liqasında hər cür nəticəyə hazır olmaq lazımdır".
