Sport24.az
Premyer Liqanın XXXVI turun oyunlarını 24300 tamaşaçı izləyib. Sport24.az xəbər verir ki, bu, mövsümün mütləq rekordudur. Bunadək ən yüksək göstərici XXXII tura təsadüf edib – 13800 izləyici.
Ümumilikdə isə çempionat oyunlarını 180 matçında 276 min 487 tamaşaçı izləyib. Bu isə hər oyuna orta hesabla 1536 tamaşaçı deməkdi.
XXXII turun "Sumqayıt" – "Qarabağ" və XXXVI turun "Sumqayıt" – "Qəbələ" görüşlərini rekord sayda – 9300 izləyici seyr edib. XXI turun "Sumqayıt" – "Neftçi" qarşılaşmasında bu rəqəm 8100-ə bərabər olub.
Ən çox tamaşaçı toplayan üç oyuna "Sumqayıt" ev sahibliyi etsə də, mövsümün ən çox seyrçi toplayan komandası "Turan Tovuz" olub. Bu göstəricidə "Neftçi" üçüncüdür.
| yer | komanda | oyun | tamaşaçı | Orta |
| 1 | Turan Tovuz | 18 | 73900 | 4106 |
| 2 | Sumqayıt | 18 | 51516 | 2862 |
| 3 | Neftçi | 18 | 31321 | 1740 |
| 4 | Sabah | 18 | 26997 | 1500 |
| 5 | Qarabağ | 18 | 22628 | 1257 |
| 6 | Zirə | 18 | 20200 | 1122 |
| 7 | Kəpəz | 18 | 14615 | 812 |
| 8 | Səbail | 18 | 14190 | 788 |
| 9 | Qəbələ | 18 | 10730 | 596 |
| 10 | Araz-Naxçıvan | 18 | 10390 | 577 |
| Cəmi | 180 | 276487 | 1536 |
