Sport24.az
"Cari mövsümü mükafatçılar sırasında başa vurmaq üçün çox çalışdıq. Amma heyətdə itkilərin çoxluğu bizə mane oldu. Pley-off mərhələsində müdafiəçilərimizin əksəriyyətini itirdik. Zədə və cəza səbəbindən onların xidmətindən istifadə edə bilmədik. 3-cü yer uğrunda matça demək olar müdafiəçilərsiz çıxmışdıq". Bu sözləri Sport24.az-a açıqlamasında "Göyəzən"in baş məşqçisi Elxan Muradov deyib.
Qazax təmsilçisinin baş məşqçisi öncə yarımfinalda üzləşdikləri hakim özbaşnalığını qabardıb: "Heyətdə itkilər olsa da, "Şimal" ilə oyunda hakim səhvləri səbəbindən məğlub olduq. Mən heç vaxt onlarıın idarəçiliyi barədə danışmamışam.Amma Xaçmaz təmsilçisi ilə qarşılaşmada qərəzli qərarların qurbanı olduq. Bərbad hakimliyə görə "Hypers" - "Göyəzən" finalı əvəzinə "Hypers" - "Şimal" matçı olacaq. Saatlı təmsilçisiylə oyunda isə istədiymiz oyunu göstərə bilmədik. İstəyimiz final oynamaq idi, əvəzində mövsümü 4-cü yerdə başa vurduq".
Elxan bəy yeni mövsüm üçün planlarının AFFA-dan asılı olduğunu da vurğulayıb: "Yeni "futbol ili" üçün hələ heç bir planımız yoxdu. Asossiasiyanın Region Liqasıyla bağlı yeni qərarlarını gözləyirik. Yalnlz bundan sonra gələn mövsümün hazırlıqlarına başlayacağıq".
ABDULLA İSMAYILOĞLU
