Sport24.az
"Uşaqlıqdan Argentina və İspaniya yığmalarına azarkeşlik edirəm. Dünya çempionatında Cənubi Amerika təmsilçilçisinin, Avropa çempionatında isə ispanların qalib gəlməsini istəmişəm. Bu ənənə dəyişməzdi. Ona görə də Almaniyada keçirilən qitə çempionatında İspaniya yığmasına azarkeşlik edəcəm". Bu sözləri Sport24.az-a açıqlamasında Elxan Abdullayev deyib.
U-19-un baş məşqçisinin fikrincə, iki yığma Almaniyada təşkil olunan turniri qazanmağa real namizəddi: "Azarkeşlik etmək ayrı, mərc etmək, proqnoz vermək başqadı. Təbii ki, İspaniyanın çempion olmasını istərdim. Amma real yanaşsaq, çempion olmaq üçün İngiltərə və Fransanın şansı daha çoxdu. İstənilən halda maraqlı və gərgin AÇ izləyəcəyimiz dəqiqdi".
Qeyd edək ki, bu gün saat 23:00-da baş tutacaq Almaniya – Şotlandiya oyunu ilə 27-ci Avropa çempionatına start veriləcək
ABDULLA İSMAYILOĞLU
