Idman.biz
"Əl-Nəsr" rəhbərliyi oyunçulara və məşqçiyə Səudiyyə Ərəbistanı Liqasında Ər-Riyadla (1:0) oyundan əvvəl və sonra müsahibə verməyə icazə verməyib.
Bu barədə "A Bola" xəbər verir.
Nə baş məşqçi Xorxe Xesus, nə də Səudiyyə Ərəbistanı klubunun oyunçuları oyundan əvvəl və sonra adi media öhdəliklərini yerinə yetirməyiblər. Portuqaliyalı məşqçi Səudiyyə Liqası oyunlarından əvvəl ənənəvi fləş müsahibələrə, eləcə də "Ər-Riyad"la oyundan sonrakı mətbuat konfransına qatılmayıb.
Səudiyyə mediası Xorxe Xesusun oyundan sonrakı mətbuat konfransında iştirak etmədiyinə görə üzr istədiyini bildirir.
"Əl-Nəsr"in mətbuat konfransı keçirməkdən imtina etməsi məşqçiyə 6700 avrodan çox başa gələ bilər.
Bu, klubun oyunundan narazı olan və "Ər-Riyad"la oyunda oynamaqdan imtina edən portuqaliyalı hücumçu Kriştianu Ronaldunun boykotu fonunda baş verib.
20:25
Portuqaliyalı hücumçu Kriştianu Ronaldu Səudiyyə Ərəbistanı Pro Liqasının 20-ci turunda "Ər-Riyad" ilə qarşılaşacaq "Əl-Nəsr"in heyətinə daxil edilməyib.
İdman.Biz xəbər verir ki, oyun bu gün Səudiyyə Ərəbistanının Ər-Riyad şəhərindəki "Şahzadə Faysal bin Fəhd" stadionunda keçiriləcək.
"Əl-Nəsr"in mətbuat xidməti tərəfindən dərc edilən komandanın heyətində portuqaliyalı hücumçu nə start heyətində, nə də ehtiyat oyunçu kimi göstərilməyib. Ronaldu 2025/2026-cı il mövsümündə "Əl-Nəsr"in əvvəlki 19 oyununun hamısında start heyətində meydana çıxıb.
Daha əvvəl bildirilirdi ki, Kriştianu Ronaldu klubun Səudiyyə Ərəbistanı Dövlət İnvestisiya Fondu (DIF) tərəfindən idarə olunmasından narazıdır və oyunları boykot etməklə hədələyib.
