Sport24.az
"Beşiktaş"ın yarımmüdafiəçisi Demir Ege Tıknaz karyerasını Portuqaliyada davam etdirəcək. Sport24.az xəbər verir ki, türkiyəli futbolçu "Braqa"ya keçəcək.
Bu barədə İstanbul klubunun rəsmi saytı məlumat yayıb.
"Ağ-qaralar" 21 yaşlı dayaq yarımmüdafiəçisinin satışından 7 milyon avro gəlir əldə edib. Oyunçu Portuqaliya klubu ilə 2030-cu ilin yayına kimi nəzərdə tutulan müqavilə imzalayıb.
Qeyd edək ki, Demir Ege Tıknaz "Beşiktaş"ın yetirməsidir. Türkiyə U-21 millisinin üzvü bu mövsüm "qara qartallar"ın heyətində meydana çıxdığı 17 rəsmi matçda 1 qol və 1 məhsuldar ötürmə ilə yadda qalıb.
